دفاعی چیمپئن شاہد آفتاب کو شکست، قومی سنوکر چیمپئن شپ کی لائن مکمل

دفاعی چیمپئن شاہد آفتاب نیشنل بینک گولڈن جوبلی قومی سنوکر چیمپئن شپ سے باہر ہو گئے۔ پاکستان بلیئرڈز اینڈ سنوکر ایسوسی ایشن کے زیر اہتمام این بی پی سپورٹس کمپلیکس میں کھیلے جانے والے ایونٹ میں تین مرتبہ کے عالمی چیمپئن محمد آصف نے دفاعی چیمپئن شاہد آفتاب کو شکست دے کر کوارٹر فائنل میں جگہ بنا لی۔

سابق عالمی چیمپئن محمد آصف فائنل فور میں پہنچ گئے، جبکہ نمبر چھ سیڈ سہیل شہزاد اور نمبر نو سیڈ عبدالستار بھی ٹائٹل دوڑ سے باہر ہو گئے۔ کوارٹر فائنل میں رانا عرفان نے اویس منیر کو 4-5، اسجد اقبال نے احسن رمضان کو 0-5، محمد آصف نے محمد سجاد کو 2-5، اور مبشر رضا نے حسنین اختر کو 3-5 سے شکست دے کر فائنل فور کے لیے کوالیفائی کیا۔

ان میچز میں اویس منیر (109 اور 101)، محمد آصف (106)، محمد سجاد (121)، اور مبشر رضا (101) نے شاندار سنچری بریکس بنائے۔

سیمی فائنل منگل کو ہوں گے، جس میں رانا عرفان (پنجاب) بمقابلہ اسجد اقبال (نیشنل بینک) اور محمد آصف (نیشنل بینک) بمقابلہ مبشر رضا (پنجاب) کے درمیان مقابلے ہوں گے۔