دولت میں 2500 کروڑ روپے کی کمی کے باوجود شاہ رخ بھارت کے امیر ترین اداکار

ہورون انڈیا (Hurun India) کی امیر ترین شخصیات کی جاری کردہ سالانہ فہرست برائے 2026ء کے مطابق، بالی ووڈ کے سپر اسٹار شاہ رخ خان کی دولت میں ایک سال کے دوران 2,490 کروڑ روپے کی نمایاں کمی ریکارڈ کی گئی ہے، تاہم اس کے باوجود وہ بھارت کے امیر ترین اداکار کے طور پر پہلی پوزیشن پر برقرار ہیں۔ رپورٹ کے مطابق شاہ رخ خان کی مجموعی نیٹ ورتھ 12,490 کروڑ روپے سے کم ہو کر اب 10,000 کروڑ روپے رہ گئی ہے۔ ان کی اس مالیت میں فلموں اور برانڈ اینڈورسمنٹس کے علاوہ ریڈ چلیز انٹرٹینمنٹ اور نائٹ رائیڈرز اسپورٹس جیسے کامیاب کاروباری ادارے شامل ہیں۔

فہرست کے مطابق بالی ووڈ کے بگ بی امیتابھ بچن 4,000 کروڑ روپے کی دولت کے ساتھ دوسرے، سلمان خان 3,000 کروڑ روپے کے ساتھ تیسرے اور ریتک روشن 2,500 کروڑ روپے کے ساتھ چوتھے نمبر پر موجود ہیں۔ دوسری جانب شاہ رخ خان ان دنوں اپنی آنے والی ایکشن تھرلر فلم ‘کنگ’ کی شوٹنگ میں مصروف ہیں، جو 24 دسمبر 2026ء کو ریلیز کی جائے گی۔ اس فلم میں ان کے ہمراہ دیپیکا پڈوکون، ان کی بیٹی سہانا خان، ابھے ورما اور منفی کردار میں ابھیشیک بچن جلوہ گر ہوں گے۔