بنگلادیشی گلوکار تحسن خان اور روزا احمد کے درمیان علیحدگی

بنگلادیش کے معروف گلوکار اور اداکار تحسن خان اور ان کی اہلیہ، میک اپ آرٹسٹ روزا احمد کے درمیان علیحدگی ہو گئی ہے۔ بنگلادیشی میڈیا رپورٹس کے مطابق دونوں کی شادی گزشتہ چند ماہ سے بحران کا شکار تھی اور وہ کافی عرصے سے علیحدہ رہ رہے تھے۔

تحسن خان نے علیحدگی کی تصدیق کرتے ہوئے کہا ہے کہ وہ اور روزا جولائی کے اختتام سے الگ رہ رہے ہیں۔ ان کا کہنا تھا کہ وہ ذاتی زندگی پر بات نہیں کرنا چاہتے تھے، تاہم شادی کی سالگرہ سے متعلق گردش کرنے والی غلط خبروں کے باعث وضاحت دینا ضروری ہو گیا۔