سینیٹ کمیٹی: کال سینیٹرز اور ڈیٹا سکیورٹی پر ایف آئی اے اور نادرا کی بریفنگ

اسلام آباد: سینیٹ کی قائمہ کمیٹی برائے آئی ٹی اینڈ ٹیلی کام کا اجلاس چیئرپرسن پلوشہ خان کی صدارت میں ہوا، جس میں ایف آئی اے اور وزارت داخلہ کے حکام نے کمیٹی کو تفصیلی بریفنگ دی۔

اجلاس میں غیر قانونی کال سینیٹرز کے خلاف تحقیقات اور این سی سی آئی اے افسران کے اقدامات پر بھی بحث ہوئی۔ ایف آئی اے حکام کے مطابق 13 ملزموں کے خلاف ایف آئی آر درج ہے، جنہوں نے مختلف کال سینیٹرز سے بھتہ وصول کیا۔ اس دوران ایک سب انسپکٹر سے لاکھوں روپے بھی ریکور کیے گئے۔

کمیٹی کے اراکین نے ایف آئی اے کی کارکردگی پر سوالات اٹھائے۔ سینیٹر پرویز رشید نے کہا کہ ایف آئی اے بطور ادارہ اپنی ساکھ کھو چکا ہے، جبکہ چیئرپرسن نے بتایا کہ رواں سال ادارے میں 271 افراد کو اندرونی طور پر سزائیں دی گئی ہیں۔

اجلاس میں نادرا کے ڈیٹا تحفظ پر بھی بحث ہوئی۔ حکام نے بتایا کہ غیر ملکی افراد کی شمولیت کو فیملی ٹری سے نکال دیا گیا ہے اور سلیف انیومریشن کے ذریعے شہریوں کا ڈیٹا جمع کیا جا رہا ہے۔ سینیٹر افنان اللہ نے کہا کہ پاکستانی شہریوں کا ڈیٹا ڈارک ویب پر بک رہا ہے، تاہم نادرا حکام نے کہا کہ تھرڈ پارٹی آڈٹ کے بعد ڈیٹا مزید محفوظ بنایا جا رہا ہے۔

چیئرپرسن نے آئندہ اجلاس میں نادرا سے ڈیٹا تحفظ کے اقدامات پر تفصیلی بریفنگ طلب کر لی۔