آزاد کشمیر اور گلگت بلتستان کو جدید دنیا سے جوڑنے کیلئے ایک اور سنگ میل عبور

اسپیشل کمیونیکیشن آرگنائزیشن (SCO) نے گلگت بلتستان کے ضلع غذر کی وادی شکومن اور سانڈی جیسے دور افتادہ علاقوں میں تیز رفتار 4G انٹرنیٹ سروس فراہم کر دی ہے۔ جغرافیائی طور پر مشکل ترین راستوں اور سنگلاخ پہاڑوں کے باوجود، ایس سی او نے جدید نیٹ ورک کی اپ گریڈیشن کو ممکن بنایا ہے، جسے مقامی ترقی کی جانب ایک اہم قدم قرار دیا جا رہا ہے۔ اس سہولت کے ذریعے اب ان علاقوں کے عوام نہ صرف پوری دنیا سے جڑ سکیں گے بلکہ تعلیم، روزگار اور آن لائن کاروبار کے نئے مواقع بھی پیدا ہوں گے۔ مقامی شہریوں اور طلبہ نے اس اقدام کو سراہتے ہوئے کہا ہے کہ تیز رفتار انٹرنیٹ ان کی زندگیوں میں مثبت تبدیلی لائے گا اور دور دراز علاقوں میں یکساں ترقی کے خواب کو شرمندہ تعبیر کرے گا۔