پاکستان نے ڈیجیٹل صلاحیتوں میں کئی ممالک کو پیچھے چھوڑ دیا

ایس سی او سافٹ ویئر ٹیکنالوجی پارک میرپور اور سیسکو اکیڈمی نے سِسکو ای ایم ای اے (EMEA) نیٹ اکیڈ کپ 2026 میں شاندار کامیابی حاصل کرتے ہوئے پاکستان کا نام عالمی سطح پر روشن کر دیا ہے۔ اس مقابلے میں پاکستان نے یورپ، مشرقِ وسطیٰ اور افریقہ کی 500 سے زائد بین الاقوامی آئی ٹی اکیڈمیز کو شکست دے کر پہلی پوزیشن حاصل کی۔ یہ تاریخی فتح 70 سے زائد ممالک کے مابین حاصل کی گئی ہے، جو پاکستان کے روشن ڈیجیٹل مستقبل کی مضبوط ضمانت ہے۔ ایس سی او نے آزاد کشمیر اور گلگت بلتستان میں 100 آئی ٹی سیٹ اپس قائم کر کے اس عالمی اعزاز تک رسائی ممکن بنائی ہے۔