اسلام آباد بار ایسوسی ایشن کے سالانہ انتخابات کا شیڈول جاری

اسلام آباد بار ایسوسی ایشن کے صدر نعیم گجر نے سالانہ انتخابات 2025 کے لیے شیڈول جاری کردیا ہے۔ جاری کردہ شیڈول کے مطابق امیدوار 15 اور 16 دسمبر کو اپنے کاغذاتِ نامزدگی جمع کرا سکیں گے، جب کہ 17 دسمبر کو جمع شدہ نامزدگیوں کی ابتدائی فہرست آویزاں کی جائے گی۔

الیکشن شیڈول کے تحت 18 اور 19 دسمبر کو کاغذاتِ نامزدگی کی جانچ پڑتال ہوگی۔ امیدواروں کو 20 دسمبر تک کاغذات واپس لینے کی اجازت ہوگی، جبکہ 22 دسمبر کو امیدواروں کی حتمی فہرست جاری کی جائے گی۔اسلام آباد بار ایسوسی ایشن کے انتخابات کے لیے پولنگ 10 جنوری کو ہوگی، جو صبح 8 بجے سے شام 4 بجے تک جاری رہے گی۔انوار قانون دانوں اور وکلاء برادری میں انتخابی سرگرمیاں تیز ہونے کی توقع کی جا رہی ہے۔