پولینڈ کے شہر کراکوف میں مسلح شخص کی فائرنگ سے 6 افراد ہلاک، 15 زخمی

جنوبی پولینڈ کے تاریخی شہر کراکوف (Krakow) کے مرکزی چوک میں ایک 24 سالہ مسلح شخص نے کار سے اندھا دھند فائرنگ کر کے 6 افراد کو ہلاک اور 15 سے زائد کو شدید زخمی کر دیا ہے۔

مقامی پولیس حکام کے مطابق یہ المناک واقعہ مقامی وقت کے مطابق دوپہر تقریباً 3 بجے پیش آیا جب فوجی طرز کا لباس پہنے ایک شخص نے اپنی گاڑی سے شہریوں پر فائرنگ شروع کر دی۔ پولیس نے کارروائی کرتے ہوئے فائرنگ کے تبادلے کے بعد مشتبہ حملے آور کو زخمی حالت میں گرفتار کر لیا۔ فائرنگ کے شدید تبادلے کے دوران 2 پولیس اہلکار بھی زخمی ہوئے ہیں۔

ترجمان پولیس نے بتایا کہ 24 سالہ پولش شہری کے قبضہ اور گاڑی سے متعدد ملٹری گریڈ ہتھیار اور گولہ بارود برآمد ہوا ہے۔ حملہ آور کے اس بھیانک اقدام کے پیچھے کیا محرکات تھے، اس حوالے سے پولیس کی تحقیقات جاری ہیں اور فی الحال کوئی حتمی وجہ بیان نہیں کی گئی ہے۔