حوثیوں کی بندرگاہیں بند کرنیکی دھمکی، سعودیہ کا خطے میں شدید کشیدگی کے خدشات کا اظہار

سعودی عرب نے یمن کے حوثی گروپ کے ان بیانات کی سخت الفاظ میں مذمت کی ہے جن میں گروپ نے سعودی عرب پر یمن کا محاصرہ کرنے کا الزام عائد کرتے ہوئے سعودی بندرگاہوں تک بحری آمدورفت کو روکنے کا اعلان کیا تھا۔ سعودی وزارتِ خارجہ کی جانب سے جاری کردہ ایک باضابطہ بیان میں حوثیوں کے ان تمام الزامات کو مکمل طور پر “بے بنیاد” قرار دیا گیا ہے۔

سعودی وزارتِ خارجہ نے اپنے بیان میں واضح کیا کہ سعودی عرب خطے میں بحری نقل و حرکت اور بین الاقوامی تجارت کی سلامتی کے لیے اپنی تمام تر ذمہ داریوں کو پورا کرتا رہے گا۔ دوسری جانب، حوثی گروپ کی طرف سے سعودی عرب کے خلاف بحری پابندیوں اور ناکہ بندی کی اس تازہ دھمکی کے بعد خطے میں کشیدگی اور غیر یقینی صورتحال میں مزید اضافے کے شدید خدشات ظاہر کیے جا رہے ہیں۔