ممتاز کشمیری رہنما سردار ابراہیم خان کی 23 ویں برسی، قوم کا خراجِ عقیدت

آزاد جموں و کشمیر کے بانی صدر اور ممتاز کشمیری رہنما غازیٔ ملت سردار محمد ابراہیم خان کی 23 ویں برسی آج عقیدت و احترام کے ساتھ منائی جا رہی ہے۔ 19 جولائی 1947 کو ان کی زیرِ صدارت آل جموں و کشمیر مسلم کانفرنس کے اجلاس میں تاریخی قراردادِ الحاقِ پاکستان منظور کی گئی، جس کے بعد 24 اکتوبر 1847 کو آزاد حکومتِ ریاست جموں و کشمیر کا قیام عمل میں آیا۔ سردار محمد ابراہیم خان نے تقریباً 5 دہائیوں تک آزاد کشمیر کے انتظامی اور آئینی ڈھانچے کی تشکیل میں کلیدی کردار ادا کیا، جس میں 1949 کا تاریخی کراچی معاہدہ بھی شامل ہے۔ 31 جولائی 2003 کو اسلام آباد میں وفات پانے والے غازیٔ ملت کی خدمات کو خراجِ تحسین پیش کرتے ہوئے سیاسی و عوامی حلقوں نے ان کے نقشِ قدم پر چلنے کے عزم کا اعادہ کیا ہے۔