سنیتا آہوجا نے گووندا سے علیحدگی کی افواہوں کی تردید کر دی

نئی دہلی: بالی ووڈ کی مشہور اداکارہ سنیتا آہوجا نے اپنی ازدواجی زندگی سے متعلق خبروں کو مسترد کرتے ہوئے کہا ہے کہ گووندا سے علیحدگی یا طلاق کا کوئی سوال ہی پیدا نہیں ہوتا۔

سنیتا نے ایک پوڈکاسٹ میں کہا کہ وہ اور گووندا آج بھی ساتھ رہ رہے ہیں اور ان کے تعلقات اعتماد اور محبت پر مبنی ہیں۔ شادی کے دوران چھوٹے چھوٹے اختلافات آتے رہتے ہیں، لیکن ان کا رشتہ مضبوط ہے۔

انہوں نے شوہر کی زندگی میں دیگر خواتین سے منسوب خبروں پر بھی بات کی اور کہا کہ اگر بے وفائی ثابت ہوئی تو وہ اسے معاف نہیں کریں گی۔ اداکارہ نے بیٹے یش وردھن کے کیریئر پر بھی بات کی اور کہا کہ گووندا بچوں کے لیے وہ کردار ادا نہیں کر رہے جس کی توقع تھی۔

واضح رہے کہ گووندا اور سنیتا آہوجا کی شادی 1987 میں ہوئی اور ان کے دو بچے ہیں، بیٹی ٹینا اور بیٹا یش، جو بالی ووڈ میں اپنا مقام بنانے کی کوشش کر رہے ہیں۔