ثناء جاوید نے شوہر شعیب ملک کے ہمراہ دبئی میں نیو ایئر کی تصاویر شیئر کردیں

پاکستانی معروف ماڈل و اداکارہ ثناء جاوید نے شوہر شعیب ملک کے ہمراہ دبئی میں نئے سال کا جشن مناتے ہوئے مداحوں کو نئے سال کی مبارکباد دی ہے۔

فوٹوز اور ویڈیوز شیئرنگ ایپ انسٹاگرام پر ثناء جاوید نے متعدد تصاویر اور ویڈیوز شیئر کیں، جن میں وہ اپنے شوہر شعیب ملک کے ساتھ خوشگوار موڈ میں نظر آ رہی ہیں۔ اداکارہ نے دبئی کے مشہور برج خلیفہ سے لی گئی خوبصورت تصاویر کے ساتھ شاندار آتش بازی کے مناظر بھی شیئر کیے۔

ثناء جاوید نے تصاویر اور ویڈیوز کے ساتھ مداحوں کے لیے نیک تمناؤں کا اظہار کرتے ہوئے نئے سال کی مبارکباد پیش کی۔ سوشل میڈیا صارفین کی جانب سے ان کی پوسٹس کو خوب سراہا جا رہا ہے جبکہ دلچسپ اور محبت بھرے تبصروں کا سلسلہ بھی جاری ہے۔

مداحوں کی بڑی تعداد نے جوڑے کے لیے نیک خواہشات کا اظہار کرتے ہوئے ان کے نئے سال کو خوشیوں اور کامیابیوں سے بھرپور قرار دیا۔