سام سنگ نے دنیا کا سب سے بڑا ٹی وی نمائش کیلئے پیش کر دیا

ٹیکنالوجی کمپنی سام سنگ نے کنزیومر الیکٹرونکس شو (CES 2026) میں 130 انچ اسکرین والا جدید مائیکرو آر جی بی ٹی وی نمائش کے لیے پیش کر دیا، جو اب تک کا سب سے بڑا اور جدید ڈسپلے قرار دیا جا رہا ہے۔

امریکی شہر لاس ویگس میں منعقدہ ایونٹ کے دوران پیش کیے گئے نئے R95H ماڈل میں آڈیو سسٹم کو براہِ راست ڈسپلے کے فریم میں ضم کیا گیا ہے، جبکہ اسکرین کی پیمائش کو خاص طور پر میچ دیکھنے کے لیے ٹیون کیا گیا ہے۔ اس جدید ڈیزائن کا مقصد آواز، تصویر اور اسکرین اسپیس کے درمیان قدرتی اور ہم آہنگ تعلق پیدا کرنا ہے۔

سام سنگ کے مطابق یہ ٹی وی نہ صرف سائز بلکہ امیج کوالٹی اور ساؤنڈ انٹیگریشن کے اعتبار سے بھی ایک نئی مثال قائم کرتا ہے۔