سام سنگ نے اپنے مشہور فون کی اپ ڈیٹس بند کر دیں

لاکھوں صارفین کے زیرِ استعمال گلیکسی ایس 21 سیریز کے موبائل فونز کے لیے سام سنگ نے سیکیورٹی اور سافٹ ویئر اپ ڈیٹس جاری کرنا بند کر دیا ہے۔

یہ ڈیوائسز 2021 میں متعارف کرائی گئی تھیں، اور متعارف کراتے وقت سام سنگ نے وعدہ کیا تھا کہ اہم اینڈرائیڈ اپ گریڈ چار سال اور سیکیورٹی اپ ڈیٹس پانچ سال تک دستیاب رہیں گی۔ اب وہ وقت آ گیا ہے جب یہ اپ ڈیٹس ختم ہو گئی ہیں۔

ٹیک ریڈار کے مطابق سام سنگ نے اپنا سرکاری سیکیورٹی اپ ڈیٹ پیج اپ ڈیٹ کرتے ہوئے گلیکسی ایس 21، ایس 21 پلس اور ایس 21 الٹرا کو اپنی فہرست سے ہٹا دیا ہے۔

اب اپ ڈیٹس نہ ملنے سے فون نئے سافٹ ویئر یا بہتر فیچرز حاصل نہیں کر سکے گا، اور سیکیورٹی اپ ڈیٹس نہ ہونے کی وجہ سے یہ ہیکرز اور جعلسازوں کے لیے آسان ہدف بن جائے گا۔ مستقبل میں کچھ عرصے بعد یہ فون نئی ایپس کو بھی سپورٹ کرنا چھوڑ دے گا۔