سلمان خان کی پھٹے ہوئے جوتوں میں ویڈیو وائرل، قیمت نے سب کو حیران کردیا

بالی ووڈ سپر اسٹار سلمان خان کی ایک تازہ ویڈیو سوشل میڈیا پر جنگل کی آگ کی طرح پھیل رہی ہے جس میں وہ بظاہر پھٹے ہوئے جوتے پہنے نظر آ رہے ہیں۔ بھارتی میڈیا کے مطابق، وائرل ویڈیو میں اداکار کو ایک پرتعیش گاڑی سے اتر کر فوٹوگرافرز کو پوز دیتے دیکھا گیا، لیکن سب کی توجہ ان کے بوسیدہ جوتوں نے حاصل کر لی۔ مداحوں نے ابتدا میں حیرانی کا اظہار کیا کہ اتنی بڑی شخصیت اس حال میں کیوں ہے، تاہم جلد ہی اس “پھٹے ہوئے فیشن” کی اصل حقیقت نے سب کو چونکا دیا۔

معلوم ہوا ہے کہ یہ کوئی عام پرانے جوتے نہیں بلکہ عالمی شہرت یافتہ فیشن برانڈ Balenciaga کی “Cowboy” کلیکشن کے مہنگے ترین ڈیزائنر جوتے ہیں۔ اس برانڈ کا خاص اسٹائل ہی یہی ہے کہ وہ اپنی مصنوعات کو جان بوجھ کر “بوسیدہ اور زیادہ استعمال شدہ” لک دیتا ہے۔ رپورٹ کے مطابق، ان انوکھے جوتوں کی قیمت تقریباً ڈیڑھ لاکھ بھارتی روپے بتائی جا رہی ہے۔ اس انکشاف کے بعد سوشل میڈیا پر تبصروں کا ایک نیا طوفان آ گیا ہے، جہاں صارفین مہنگے داموں “پھٹا ہوا فیشن” خریدنے پر دلچسپ اور مزاحیہ ردِعمل کا اظہار کر رہے ہیں