’بےہودہ بہنیں‘، صبور علی کو سجل علی کی سالگرہ کی تصاویر شیئر کرنا مہنگا پڑگیا

کراچی: اداکارہ صبور علی نے اپنی بہن اور معروف اداکارہ سجل علی کی سالگرہ کے موقع پر خوبصورت تصاویر سوشل میڈیا پر شیئر کیں، جو مداحوں کی توجہ کا مرکز بن گئیں۔

ان تصاویر میں دونوں بہنوں کے درمیان گہری محبت اور خوشگوار لمحات صاف جھلکتے ہیں۔ صبور علی نے تصاویر کے ساتھ محبت بھرا پیغام بھی لکھا اور سجل علی کے لیے نیک تمناؤں کا اظہار کیا۔

سالگرہ کی یہ جھلکیاں سوشل میڈیا پر تیزی سے وائرل ہو گئیں، اور شوبز شخصیات سمیت مداحوں نے سجل علی کو سالگرہ کی مبارکباد دی۔ تاہم کچھ صارفین نے دونوں بہنوں، خصوصاً صبور علی کے بولڈ لباس پر تنقید بھی کی۔