افطار پارٹی کے دوران صبا فیصل کا نیا لُک ، مداحوں نے سوالات اٹھا دیئے

معروف اداکارہ صبا فیصل نے لاہور میں رمضان المبارک کے آخری ایام کے دوران اپنے اہل خانہ اور دوستوں کے لیے ایک پروقار افطار ڈنر کا اہتمام کیا، جس کی ویڈیو انہوں نے سوشل میڈیا پر بھی شیئر کی۔ ویڈیو میں اداکارہ کو مہمانوں کی تواضع کرتے اور کھانے کی تیاریوں میں مصروف دیکھا جا سکتا ہے۔ تاہم، اس خوشگوار تقریب کی ویڈیو سامنے آتے ہی صبا فیصل کو ان کے لباس کی وجہ سے تنقید کا سامنا کرنا پڑ رہا ہے۔

اداکارہ نے افطار ڈنر کے لیے آف وائٹ سلک کی لمبی شرٹ اور پتلون کا انتخاب کیا تھا، لیکن لباس کے ساتھ دوپٹہ نہ ہونے پر سوشل میڈیا صارفین نے برہمی کا اظہار کیا ہے۔ مداحوں اور صارفین کا کہنا ہے کہ رمضان کے مقدس مہینے اور افطار جیسی تقریب میں لباس کی اسٹائلنگ اسلامی روایات اور مہینے کے تقدس کے مطابق ہونی چاہیے تھی۔ جہاں بہت سے لوگ ان کی میزبانی کی تعریف کر رہے ہیں، وہی ایک بڑی تعداد ان کے اس فیشن انتخاب پر ناخوش دکھائی دے رہی ہے۔