روس میں روبوٹ کی گاہک کو لات مارنے کی کوشش

روس کے ایک الیکٹرانکس سٹور میں انسان نما (ہیومینائیڈ) روبوٹ اور ایک گاہک کے درمیان پیش آنے والے منفرد اور عجیب واقعے کی ویڈیو سوشل میڈیا پر تیزی سے وائرل ہو رہی ہے۔ وائرل ویڈیو میں دیکھا جا سکتا ہے کہ سفید شرٹ پہنے ایک شخص سٹور میں موجود ہیومینائیڈ روبوٹ کے پاس جا کر اسے بلاوجہ دھکا دیتا ہے۔ دھکا لگنے کے چند ہی لمحوں بعد روبوٹ ردِعمل کے طور پر اچانک اپنی ٹانگ آگے بڑھاتا ہے، جسے دیکھ کر ایسا محسوس ہوتا ہے جیسے روبوٹ نے گاہک کو جوابی لات مارنے کی کوشش کی ہو۔ ویڈیو اپ لوڈ کرنے والے پیج کا دعویٰ ہے کہ واقعے کے بعد روبوٹ کے سسٹم کی حرکات پر قابو پانا مشکل ہو گیا تھا، جس کے باعث انتظامیہ کو اسے فوری طور پر سوئچ آف کرنا پڑا۔