روسی انرجی ویک کا کل سے آغاز، عالمی توانائی کے مستقبل پر اہم مذاکرات متوقع

عالمی توانائی کے شعبے کا اہم بین الاقوامی فورم ”روسی انرجی ویک 2026“ (Russian Energy Week) کل 14 اکتوبر سے روسی دارالحکومت ماسکو میں شروع ہو رہا ہے، جو 16 اکتوبر تک جاری رہے گا۔ رواں سال فورم کا مرکزی موضوع ”توانائی کے وسائل اور ٹیکنالوجی سے مستقبل کی خوشحالی تک“ رکھا گیا ہے، جس میں عالمی وزرائے توانائی، بڑی کمپنیوں کے سربراہان، ماہرین اور سرمایہ کار شرکت کر رہے ہیں۔ روس کے نائب وزیراعظم الیگزینڈر نوواک اور وزیر توانائی سرگئی تسیویلیوف کے مطابق تین روزہ فورم کے دوران 30 سے زائد پینل سیشنز میں تیل، گیس، جدید ٹیکنالوجی، بجلی کے شعبے میں سرمایہ کاری اور عالمی توانائی کی سلامتی پر تفصیلی تبادلہ خیال کیا جائے گا۔ افتتاحی روز ’یوتھ ڈے‘ کی تقاریب کے ساتھ ساتھ گوستینی دوور میں جدید توانائی آلات کی نمائش بھی منعقد کی جائے گی۔