LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
ملک بھر میں 74 لاکھ 70 ہزار جانور قربان کیے گئے، ٹینریز ایسوسی ایشن ٹیکس وصولی کے لیے ایف بی آر کے تمام دفاتر 30 مئی کو کھلے رہیں گے اسحاق ڈار اور مارکو روبیو کی واشنگٹن میں ملاقات، پاک امریکا تعاون مزید مضبوط بنانے پر اتفاق ابراہیمی معاہدے سے متعلق افواہیں بے بنیاد، فلسطین پر مؤقف میں کوئی لچک نہیں: اسحاق ڈار راولپنڈی: پاکستان اور آسٹریلیا آج پہلے ون ڈے میں آمنے سامنے فرنچ اوپن 2026 میں سنسنی خیز اپ سیٹ، نواک جوکووچ نوجوان کھلاڑی سے ہار گئے پیٹرول اور ڈیزل 22 روپے سستا، نئی قیمتیں 381 روپے 78 پیسے اور 380 روپے 78 پیسے مقرر میئر نیویارک زہران ممدانی کا اسرائیل ڈے پریڈ میں شرکت سے انکار امریکی قانون کےبرخلاف صدر ٹرمپ کی تصویر ڈالر پر چھاپنے کی تیاریاں کراچی پورٹ کے قریب دو بحری جہازوں میں خوفناک تصادم، کنٹینرز سمندر میں گر گئے گلگت بلتستان کی الیکشن مہم کے دوران پی ٹی آئی رہنما جنید اکبر گرفتار امریکی حکام کی جانب سے دھمکی آمیز بیانات قابلِ مذمت ہیں: ترجمان ایرانی وزارتِ خارجہ اسلام آباد: سیکٹر آئی 10 میں واقع گھر میں سلنڈر دھماکا، 2 افراد جاں بحق صوبائی حکومت نے پنجاب لیبر کوڈ 2026 کا نوٹیفکیشن جاری کر دیا نائب وزیراعظم اور وزیر خارجہ اسحاق ڈار واشنگٹن پہنچ گئے

روما ریاض کانز فلم فیسٹیول میں پاکستان کی نمائندگی کریں گی

Web Desk

14 April 2026

سال 2025 میں مس یونیورس پاکستان کا تاج سر پر سجانے والی روما ریاض رواں سال فرانس میں منعقد ہونے والے دنیا کے معتبر ترین کانز انٹرنیشنل فلم فیسٹیول میں پاکستان کی نمائندگی کریں گی۔ میڈیا سے گفتگو کرتے ہوئے روما ریاض نے تصدیق کی ہے کہ وہ نہ صرف اس عالمی میلے کے ریڈ کارپٹ پر جلوہ گر ہوں گی بلکہ وہ باوقار ‘ایکسپیڈیشن گالا’ کی میزبانی کے فرائض بھی سرانجام دیں گی۔ پاکستان کی مسیحی برادری اور ایک پنجابی خاندان سے تعلق رکھنے والی روما ریاض نے اس موقع پر فخر کا اظہار کرتے ہوئے کہا کہ وہ عالمی سطح پر ملک کا مثبت چہرہ پیش کرنے کے لیے پرجوش ہیں۔

یہ مسلسل دوسرا سال ہے کہ مس یونیورس پاکستان کا اعزاز رکھنے والی کوئی شخصیت کانز میں شرکت کر رہی ہے۔ اس سے قبل 2024 میں پاکستان کی پہلی مس یونیورس ایریکا رابن نے اس عالمی میلے میں ڈیبیو کیا تھا، جہاں ان کی شرکت کو بین الاقوامی میڈیا میں خوب سراہا گیا تھا۔ روما ریاض نے انکشاف کیا کہ وہ فیسٹیول کے دوران مختلف نامور فیشن ڈیزائنرز کے تیار کردہ ملبوسات زیب تن کریں گی، تاہم انہوں نے ڈیزائنرز کے ناموں کو فی الحال صیغہ راز میں رکھا ہے اور کہا ہے کہ یہ سرپرائز جلد ہی سب کے سامنے آ جائے گا۔

فرانس کے ساحلی شہر میں منعقد ہونے والا 78واں کانز فلم فیسٹیول 12 مئی سے 23 مئی تک جاری رہے گا، جس میں دنیا بھر سے بہترین فلموں کی نمائش کی جائے گی اور عالمی سینما کے بڑے نام شرکت کریں گے۔ روما ریاض کی شرکت کو پاکستانی فیشن اور انٹرٹینمنٹ انڈسٹری کے لیے ایک اہم سنگِ میل قرار دیا جا رہا ہے، جو عالمی پلیٹ فارمز پر پاکستانی ٹیلنٹ کی بڑھتی ہوئی پہچان کی عکاسی کرتا ہے۔