سعودی عرب میں محمد رفیع کی 46ویں برسی کے موقع پر یادگاری تقریب

سعودی عرب کے دارالحکومت ریاض میں برصغیر کے عظیم اور لازوال گلوکار محمد رفیع کی 46ویں برسی کے موقع پر “یادوں کا سفر” کے عنوان سے ایک پروقار اور پرتعیش موسیقی کی محفل کا انعقاد کیا گیا۔ اس یادگار تقریب میں پاکستان اور بھارت سے تعلق رکھنے والی کمیونٹی اور موسیقی سے لگاؤ رکھنے والے افراد نے بڑی تعداد میں شرکت کی۔ محفل کے دوران مقامی فنکاروں رحیم اوپلہ، کبیر، نوفل، زنحا، جینو اور منیشاء نے محمد رفیع کے مقبول اور شہرہ ٴ آفاق نغمے پیش کر کے حاضرین کو ماضی کی سحر انگیز یادوں میں پہنچا دیا۔ تقریب کے اختتام پر شرکا نے محمد رفیع کی فنکارانہ صلاحیتوں کو زبردست خراجِ عقیدت پیش کرتے ہوئے کہا کہ ان کی آواز سرحدوں سے بالاتر ہے اور آج بھی دنیا بھر میں کروڑوں دلوں پر راج کر رہی ہے