بچوں کی حفاظت میں ناکامی، مشہور سوشل میڈیا پلیٹ فارم پر 14 ملین پاؤنڈ کا جرمانہ

برطانیہ کے ڈیٹا کی نگرانی کرنے والے ادارے ‘انفارمیشن کمشنرز آفس’ (ICO) نے سوشل میڈیا پلیٹ فارم ریڈ اِٹ پر 1 کروڑ 40 لاکھ پاؤنڈز کا بھاری جرمانہ عائد کر دیا ہے۔ آئی سی او کے مطابق ریڈ اِٹ اپنے پلیٹ فارم پر موجود کم عمر بچوں کی نجی معلومات کی حفاظت کرنے میں ناکام رہا ہے۔ تحقیقات میں انکشاف ہوا کہ ریڈ اِٹ کے پاس صارفین کی عمر کی تصدیق کا کوئی مضبوط نظام موجود نہیں تھا، جس کی وجہ سے 13 برس سے کم عمر بچوں کا ڈیٹا غیر قانونی طور پر استعمال کیا گیا اور انہیں نامناسب مواد کا سامنا کرنا پڑا۔