جدہ میں ہونے والا ریڈ سی انٹرنیشنل فلم فیسٹیول کا چھٹا ایڈیشن ملتوی
Web Desk
22 September 2026
سعودی عرب کے شہر جدہ میں منعقد ہونے والا معروف ‘ریڈ سی انٹرنیشنل فلم فیسٹیول’ سال 2026 میں منعقد نہیں ہوگا۔ ریڈ سی فاؤنڈیشن نے اعلان کیا ہے کہ 3 سے 12 دسمبر 2026 تک جدہ کے تاریخی علاقے ‘البلد’ میں ہونے والے اس فیسٹیول کا چھٹا ایڈیشن ملتوی کر دیا گیا ہے، جسے جامع جائزے کے بعد اب 2027 کی آخری سہ ماہی میں منعقد کیا جائے گا۔ فاؤنڈیشن کا کہنا ہے کہ یہ فیصلہ ایونٹ سے متعلق انتظامی و لاجسٹک تقاضوں کو بہترین انداز میں پورا کرنے اور ناظرین کو معیاری تجربہ فراہم کرنے کے لیے کیا گیا ہے۔ فیسٹیول کے التوا کے باوجود ریڈ سی فنڈ اور ریڈ سی لیبز کا کام جاری رہے گا، جبکہ نومبر 2026 سے تاریخی جدہ کے کلچر اسکوائر میں نئی ثقافتی سرگرمیاں شروع کی جائیں گی۔ متاثرہ فلم سازوں اور ایکریڈیٹیشن ہولڈرز کو رقم کی واپسی کے لیے ویب سائٹ سے رجوع کرنے کی ہدایت کی گئی ہے۔
ریڈ سی فیسٹیول کے التوا کے اعلان کے بعد ہی سوشل میڈیا پر شدید ردعمل دیکھنے میں آیا، جو عرب اور بین الاقوامی فلمی کیلنڈر میں اس کی اہمیت کا مظہر ہے۔ یہ فیسٹیول گزشتہ کچھ برسوں میں عالمی اداکاروں اور فلم سازوں کا مرکز بن چکا ہے اور سعودی عرب کے شعبہ تفریح کو فروغ دینے میں اہم کردار ادا کر رہا ہے۔ اس التوا سے عرب فلم انڈسٹری اور عالمی سینما کے لیے ایک سال کا خلا پیدا ہوگا، جبکہ دوسری جانب خطے میں مقابلے کی فضا بھی بدل رہی ہے کیونکہ بحال ہونے والا دبئی انٹرنیشنل فلم فیسٹیول بھی ایک دہائی کے وقفے کے بعد 8 دسمبر 2027 سے اپنے نئے ایڈیشن کا آغاز کر رہا ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026