ربیکا خان کی سالگرہ پر پانچ منزلہ کیک کے ساتھ کیا ہوا؟ مہمانوں کا مزہ کرکرا

معروف پاکستانی ڈیجیٹل کری ایٹر اور ٹک ٹاکر ربیکا خان کی 22ویں سالگرہ کی تقریب اس وقت دلچسپ صورتحال سے دوچار ہوگئی جب ان کا شاندار پانچ منزلہ کیک مہمانوں کے سامنے پیش کیے جانے سے قبل ہی گر گیا۔ ربیکا نے یہ سالگرہ اپنے شوہر حسین ترین، اہل خانہ اور دوستوں کے ساتھ منائی، جس دوران حسین کی جانب سے انہیں نئی گاڑی کا تحفہ اور آتش بازی کا شاندار مظاہرہ بھی کیا گیا۔ بعد ازاں وی لاگ میں جوڑے نے وضاحت کی کہ کیک تقریب سے بہت پہلے کھلی فضا میں رکھ دیا گیا تھا، جو کراچی کی شدید گرمی کی تاب نہ لاتے ہوئے پگھل کر گر گیا۔ دوسری جانب، کیک میکر نے بھی صفائی دیتے ہوئے کہا کہ کیک ترسیل کے وقت بالکل ٹھیک تھا لیکن انہیں آؤٹ ڈور تقریب اور طویل وقفے کا اندازہ نہیں تھا۔ واقعے کی یہ ویڈیوز اور تفصیلات سوشل میڈیا پر بھی بحث کا محور بنی رہیں۔