رمشا خان کی بہن کی شادی، نکاح کے انداز نے سوشل میڈیا پر نئی بحث چھیڑ دی

کراچی: معروف پاکستانی اداکارہ رمشا خان کی بہن علیشا خان کی شادی کی تقریب کی ویڈیوز سوشل میڈیا پر وائرل ہونے کے بعد صارفین کے درمیان ایک نیا تنازع کھڑا ہو گیا ہے۔

نکاح کی تقریب دن کی روشنی میں منعقد کی گئی، جہاں نکاح خواں کے سوال پر روایتی اردو جملے “قبول ہے” کے بجائے انگریزی زبان میں رضامندی کا اظہار کیا گیا۔ وائرل ویڈیوز میں دیکھا جا سکتا ہے کہ دلہن اور دولہا نے انگریزی میں اپنے ایجاب و قبول کے مراحل مکمل کیے۔

سوشل میڈیا پر ویڈیوز سامنے آتے ہی صارفین کی جانب سے ملا جلا ردِعمل دیکھنے میں آ رہا ہے۔ متعدد صارفین نے پاکستانی کلچر اور روایتی اقدار کا حوالہ دیتے ہوئے کہا کہ نکاح کی مقدس رسم کو روایتی انداز میں ادا کیا جانا چاہیے تھا، جبکہ کچھ صارفین نے دلہن کے لہجے اور انگریزی بولنے کے انداز پر بھی طنزیہ تبصرے کیے۔

دوسری جانب، اداکارہ رمشا خان نے اس تمام تر معاملے اور شادی کی تقریبات کے دوران میڈیا اور کیمروں کی توجہ سے خود کو دور رکھا۔ انہوں نے اپنے شوہر خوشحال خان کے ساتھ بھی تصاویر اور ویڈیوز کو سوشل میڈیا پر اپ لوڈ کرنے سے گریز کیا۔