ایمان فاطمہ کے بھائی نے رجب بٹ تنازع پر خاموشی توڑی

پاکستان کے معروف یوٹیوبر رجب بٹ اور ان کی اہلیہ ایمان فاطمہ کے درمیان جاری گھریلو تنازع اب عوامی بحث کی شکل اختیار کر گیا ہے۔ اس حوالے سے ایمان کے بھائی آئون نے ایک حالیہ پوڈ کاسٹ میں گفتگو کرتے ہوئے واضح کیا کہ ان کے آن لائن بیانات کا مقصد صرف اپنی بہن کا دفاع کرنا تھا، خاص طور پر اس نازک وقت میں جب وہ حاملہ تھیں۔

آئون کا کہنا تھا کہ انہوں نے رجب کو ذاتی طور پر نشانہ نہیں بنایا بلکہ صرف اپنی بہن کی حمایت کی۔ ویزا مسترد ہونے کے حوالے سے انہوں نے ایک اہم بات کہی کہ انہیں اس معاملے کی مکمل حقیقت معلوم نہیں تھی اور وہ نہیں جانتے کہ ویزا واقعی مسترد ہوا تھا یا یہ محض رجب کا ایک دعویٰ تھا، تاہم ابتدائی طور پر خاندان نے رجب کی بات پر ہی یقین کیا تھا۔

یاد رہے کہ اس سے قبل رجب بٹ نے ایک لائیو سیشن میں ایمان کے بھائی کو سخت تنقید کا نشانہ بناتے ہوئے الزام لگایا تھا کہ کچھ نجی ویڈیوز اور چیٹس لیک کی گئی ہیں۔ رجب نے ایمان کے ساتھ اپنے مالی اخراجات اور دیگر معاملات کی بھی وضاحت کی تھی۔ آئون نے اعتراف کیا کہ عوامی سطح پر اس معاملے کو لانے سے تنازع بڑھ گیا، لیکن وہ اپنی بہن کے ساتھ کھڑے ہونے کے فیصلے پر قائم ہیں۔