رجب بٹ نے اہلیہ سے صلح کی افواہوں کی تردید کر دی

معروف پاکستانی یوٹیوبر رجب بٹ نے اپنی اہلیہ ایمان فاطمہ سے صلح سے متعلق گردش کرنے والی خبروں کی سختی سے تردید کر دی ہے۔ حال ہی میں شیئر کی گئی ایک ویڈیو میں رجب بٹ نے واضح کیا کہ ان کے اور ان کی اہلیہ کے درمیان معاملات بہتر نہیں ہوئے اور جو کچھ ہو چکا ہے اس کے بعد اب کچھ ٹھیک ہونا ممکن نہیں، لہٰذا طلاق کی قانونی کارروائی اپنے وقت پر مکمل ہوگی۔

یہ بیان ایمان فاطمہ کے بھائی عون شیخ کے اس دعوے کے بعد سامنے آیا ہے جس میں انہوں نے دونوں خاندانوں میں صلح کا دعویٰ کیا تھا۔ رجب بٹ نے صلح کے دعووں کو جھوٹا قرار دیتے ہوئے کہا کہ وہ اپنے بیٹے کی تمام مالی ذمہ داریاں ہمیشہ پوری کریں گے لیکن دوسرا فریق غلط بیانی سے گریز کرے۔ دوسری جانب سوشل میڈیا صارفین اس تنازع پر مختلف اور ملا جلا ردِعمل دے رہے ہیں