بھارتی اداکارہ کی وائٹ ہاؤس میں منعقدہ تقریب میں شرکت پر سوال اٹھ گئے

بالی ووڈ کی معروف اداکارہ ملائکہ شراوت نے وائٹ ہاؤس میں منعقدہ ایک تقریب میں شرکت کی جس کے بعد سوشل میڈیا پر بحث شروع ہو گئی۔ اداکارہ نے انسٹاگرام پر تصاویر شیئر کرتے ہوئے بتایا کہ یہ تقریب سابق امریکی صدر ڈونلڈ ٹرمپ کی جانب سے واشنگٹن ڈی سی میں منعقد کی گئی کرسمس پارٹی تھی، جس میں محدود اور منتخب شخصیات کو مدعو کیا گیا۔

ملائکہ شراوت نے دعوت ملنے پر خوشی اور تشکر کا اظہار کیا اور صدر ٹرمپ کی تقریر کی ویڈیوز اور سرکاری دعوت نامہ بھی شیئر کیا۔ تصاویر سامنے آتے ہی مداحوں نے ان کے لباس اور انداز کی تعریف کی، تاہم بعض صارفین نے سوال اٹھایا کہ انہیں اس خصوصی تقریب کی دعوت کیسے ملی۔

بھارت اور امریکا کے حالیہ تعلقات اور ٹرمپ انتظامیہ کی جانب سے ٹیرف عائد کیے جانے کے تناظر میں، اداکارہ کی اس تقریب میں شرکت پر کچھ بھارتی صارفین کی جانب سے تنقید بھی کی جا رہی ہے۔