پنجاب اسمبلی کی قائمہ کمیٹی برائے داخلہ کا اجلاس، چار بلز کی منظوری
Web Desk
23 June 2026
پنجاب اسمبلی کی قائمہ کمیٹی برائے داخلہ کا ایک اہم اجلاس چیئرمین طارق سبحانی کی زیر صدارت پنجاب اسمبلی میں منعقد ہوا، جس میں صوبے میں امن و امان کے قیام، سماجی برائیوں کے سدِباب اور سیکیورٹی نظام کو مزید سخت کرنے کے لیے چار انتہائی اہم اور کلیدی بلز متفقہ طور پر منظور کر لیے گئے۔ اجلاس میں محکمہ داخلہ اور محکمہ قانون کے اعلیٰ نمائندگان سمیت قائمہ کمیٹی کے اراکین نے بڑی تعداد میں شرکت کی۔
اجلاس کے دوران اراکینِ کمیٹی نے تمام بلز کے قانونی، انتظامی اور عملی پہلوؤں کا باریک بینی سے تفصیلی جائزہ لیا، جس کے بعد درج ذیل چار اہم بلز کو اتفاقِ رائے سے منظور کیا گیا یہ بل عادی مجرموں کی سرگرمیوں کو روکنے اور معاشرے میں امن و سکون کو برباد کرنے والے عناصر کے خلاف سخت تادیبی کارروائیوں کے لیے قانونی راستے ہموار کرے گا۔ اس بل کا مقصد صوبے میں متشدد انتہا پسندی کے خاتمے، نظریاتی سطح پر بیداری پیدا کرنے اور متعلقہ سینٹر آف ایکسیلنس کی کارکردگی کو مزید فعال بنانا ہے۔ اس اہم ترمیمی بل کے ذریعے صوبائی سطح پر انسدادِ دہشت گردی کے قوانین کو مزید مؤثر اور وقت کے تقاضوں کے مطابق جدید بنایا گیا ہے۔اس بل کے تحت صوبے میں مختلف سوسائٹیز اور تنظیموں کی رجسٹریشن اور ان کی مانیٹرنگ کے نظام کو مزید شفاف اور سخت بنایا جائے گا۔
اس اہم اجلاس میں خالد محمود رانجھا، چوہدری اعجاز احمد، صفیہ سعید، سیدہ سمرین تاج، رانا عبدالمنان ساجد، آمنہ پروین اور شہباز علی کھوکھر سمیت متعدد صوبائی اراکینِ اسمبلی نے شرکت کی اور بلز کی تیاری و منظوری میں اپنا فعال کردار ادا کیا۔ قانون سازی کے ماہرین کے مطابق ان بلز کی منظوری سے پنجاب میں جرائم اور انتہا پسندی کے خلاف جاری مہم کو ایک مضبوط قانونی تحفظ حاصل ہوگا۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026