پی ٹی اے کا صارفین کی سہولت اور شکایات کے ازالے کیلئے ’ڈیجیٹل اسسٹنٹ‘ لانچ

پاکستان ٹیلی کمیونیکیشن اتھارٹی (PTA) نے صارفین کی سہولت اور شکایات کے فوری ازالے کے لیے ایک جدید ڈیجیٹل اقدام اٹھاتے ہوئے ‘ڈیجیٹل اسسٹنٹ’ سروس لانچ کر دی ہے۔ اس سروس کا مقصد ٹیلی کام صارفین کو آن لائن اور واٹس ایپ کے ذریعے براہِ راست رسائی فراہم کرنا ہے تاکہ ان کے مسائل کو ترجیحی بنیادوں پر حل کیا جا سکے۔

ڈیجیٹل اسسٹنٹ کی خصوصیات اور استعمال کا طریقہ:

واٹس ایپ رسائی: صارفین اب پی ٹی اے کے آفیشل واٹس ایپ نمبر 03150055055 پر رابطہ کر کے فوری رہنمائی حاصل کر سکتے ہیں۔

خودکار نظام: یہ اسسٹنٹ ‘مینو ڈرِون سسٹم’ کے تحت کام کرتا ہے، جو صارفین کے سوالات پر خودکار اور فوری جواب فراہم کرنے کی صلاحیت رکھتا ہے۔شکایات کا طریقہ کار: ڈیجیٹل اسسٹنٹ صارفین کو ٹیلی کام سروسز میں درپیش مسائل اور باقاعدہ شکایت درج کروانے کے طریقہ کار سے متعلق مکمل معلومات فراہم کرے گا۔پی ٹی اے حکام کے مطابق اس اقدام کا بنیادی مقصد صارفین کے وقت کی بچت اور شکایات کے نظام کو مزید شفاف اور تیز بنانا ہے۔ اب صارفین کو اپنی چھوٹی چھوٹی معلومات یا طریقہ کار جاننے کے لیے روایتی ہیلپ لائنز پر طویل انتظار نہیں کرنا پڑے گا۔