پاکستان میں 5 جی سروسز کا آغاز، بڑی ٹیلی کام کمپنیوں کو لائسنس جاری

اسلام آباد: وزیراعظم ہاؤس میں منعقدہ ایک خصوصی تقریب کے دوران پاکستان میں جدید ترین 5 جی (5G) سروسز کے آغاز کے لیے تین بڑی موبائل کمپنیوں کو باقاعدہ لائسنس جاری کر دیے گئے ہیں۔ تقریب میں وزیراعظم شہباز شریف، وفاقی وزیر برائے انفارمیشن ٹیکنالوجی اور چیئرمین پی ٹی اے نے خصوصی شرکت کی۔

پی ٹی اے کے ڈی جی لائسنسنگ عامر شہزاد نے دستخط شدہ لائسنس متعلقہ ٹیلی کام کمپنیوں کے نمائندوں کے حوالے کیے۔ اس موقع پر وزیراعظم شہباز شریف نے 5 جی اسپیکٹرم کی شفاف نیلامی کو یقینی بنانے پر چیئرمین پی ٹی اے اور ان کی ٹیم کی کارکردگی کو سراہتے ہوئے انہیں شاباش دی۔

شرکاء سے گفتگو کرتے ہوئے وزیراعظم کا کہنا تھا کہ پاکستان نے 5 جی سروس کے آغاز سے ٹیکنالوجی کے میدان میں ایک اہم سنگ میل عبور کیا ہے، جو ملک کی ڈیجیٹل معیشت کے لیے گیم چینجر ثابت ہوگا۔ انہوں نے تمام ٹیلی کام آپریٹرز کو ہدایت کی کہ وہ صارفین کو عالمی معیار کی بہترین 5 جی سروسز فراہم کریں تاکہ آئی ٹی اور دیگر شعبوں میں جدت کو فروغ مل سکے