پی ٹی اے اور میٹا کے درمیان نوجوانوں کے آن لائن تحفظ کیلئے معاہدہ

پاکستان ٹیلی کمیونیکیشن اتھارٹی (پی ٹی اے) اور عالمی ٹیکنالوجی کمپنی میٹا (Meta) کے درمیان بچوں اور نوجوانوں کی آن لائن حفاظت اور محفوظ ڈیجیٹل ماحول کی فراہمی کے لیے ’لیٹر آف انٹینٹ‘ پر دستخط ہو گئے ہیں۔ اس معاہدے کے تحت پاکستان میں ذمہ دارانہ ڈیجیٹل رویوں، آگاہی مہمات، پالیسی سازی اور استعدادِ کار میں اضافے کے لیے مشترکہ اقدامات کیے جائیں گے۔ دونوں ادارے بین الاقوامی تجربات سے استفادہ کرتے ہوئے آن لائن خطرات سے نمٹنے کے لیے مؤثر حکمتِ عملی وضع کریں گے۔ اس موقع پر چیئرمین پی ٹی اے حفیظ الرحمٰن نے کہا کہ پی ٹی اے کا بنیادی مقصد ایک محفوظ اور قابلِ اعتماد ڈیجیٹل ماحول کی تشکیل ہے، اور میٹا کے ساتھ یہ شراکت داری نوجوان نسل کے لیے آن لائن تحفظ کے نظام کو مزید مضبوط بنانے میں اہم سنگِ میل ثابت ہوگی۔