پی ایس ایل 11: نیلامی میں فروخت ہونے والے 10 مہنگے ترین کھلاڑیوں کی فہرست

لاہور میں منعقدہ پی ایس ایل 11 کی نیلامی میں راولپنڈی کی نئی ٹیم نے فاسٹ بولر نسیم شاہ کو 8 کروڑ 65 لاکھ روپے میں حاصل کر کے ایونٹ کا مہنگا ترین کھلاڑی بنایا۔ دوسرے نمبر پر فہیم اشرف رہے، جنہیں اسلام آباد یونائیٹڈ نے ساڑھے 8 کروڑ روپے میں خریدا۔

نیوزی لینڈ کے ڈیرل مچل 8 کروڑ 5 لاکھ روپے میں راولپنڈی کا حصہ بنے، جبکہ فخر زمان کو لاہور قلندرز نے سات کروڑ 95 لاکھ روپے میں حاصل کیا۔ ڈیوڈ وارنر 7 کروڑ 90 لاکھ میں کراچی کنگز کے، حارث رؤف 7 کروڑ 60 لاکھ میں لاہور قلندرز کے، اور مارک چیپ مین 7 کروڑ میں اسلام آباد یونائیٹڈ کے ہو گئے۔

خواجہ نافع ساڑھے 6 کروڑ میں کوئٹہ گلیڈی ایٹرز، سلمان علی آغا 5 کروڑ 85 لاکھ میں کراچی کنگز، صاحبزادہ فرحان 5 کروڑ 70 لاکھ میں سیالکوٹ اسٹالینز اور اوسامہ میر ساڑھے 3 کروڑ میں لاہور قلندرز کا حصہ بنے۔