ایتھلیٹکس فیڈریشن انتخابات تنازعہ، پاکستان ایتھلیٹکس فیڈریشن کے عہدیداروں کو طلب

ایتھلیٹکس فیڈریشن انتخابات کے تنازعے کے پیش نظر پاکستان اسپورٹس بورڈ (PSB) نے پاکستان ایتھلیٹکس فیڈریشن کے صدر وجاہت حسین سمیت دیگر عہدیداروں کو طلب کر لیا ہے۔ ذرائع کے مطابق پی ایس بی بورڈ کا اجلاس 23 جنوری کو ہوگا، جس میں صدر کے علاوہ شاہدہ خانم، حمیرا محمود اور طارق سدھو بھی پیش ہوں گے۔

اجلاس کے دوران ایتھلیٹکس فیڈریشن سے متعلق دائر اپیلوں پر فیصلہ کیا جائے گا۔ یہ اجلاس اسلام آباد ہائیکورٹ کے اس حکم کے بعد بلایا گیا ہے، جس میں فیڈریشن کے حق میں دیا گیا حکمِ امتناع ختم کر دیا گیا تھا۔