وزیرِ اعظم کی قومی کرکٹ ٹیم کو جنوبی افریقہ کے خلاف ون ڈے سیریز جیتنے پر مبارکباد

وزیرِ اعظم محمد شہباز شریف نے قومی کرکٹ ٹیم کو جنوبی افریقہ کے خلاف ون ڈے سیریز جیتنے پر پوری قوم کی جانب سے مبارکباد دی اور ٹیم کی شاندار کارکردگی پر داد تحسین پیش کی۔

وزیرِ اعظم نے چیئرمین پاکستان کرکٹ بورڈ محسن رضا نقوی، کوچز اور بورڈ کے عہدیداران کو بھی سراہا اور ان کی کوششوں کو قابلِ ستائش قرار دیا۔

اپنی گفتگو میں وزیرِ اعظم نے کہا کہ پاکستان کرکٹ ٹیم نے جنوبی افریقہ کے خلاف شاندار کھیل کا مظاہرہ کیا، جبکہ حریف ٹیم نے بھی اچھے کھیل کا مظاہرہ کیا۔ انہوں نے امید ظاہر کی کہ آئندہ میچز میں بھی پاکستانی کرکٹ ٹیم اسی محنت اور بہترین کارکردگی کا مظاہرہ کرے گی۔