ذیا بیطس کی علامت کا خطرناک دماغی بیماری سے تعلق کا انکشاف

یونیورسٹی آف لیورپول کی حالیہ تحقیق میں بتایا گیا ہے کہ بلڈ شوگر میں اضافے (خصوصاً کھانے کے بعد) الزائمرز بیماری کے خطرات میں اضافے سے جڑا ہوا ہے۔

تحقیق کے مطابق وہ افراد جن کے خون میں کھانے کے بعد گلوکوز کی مقدار زیادہ ہوتی ہے، ان کے بعد کی زندگی میں الزائمرز کے امکانات دیگر افراد کے مقابلے میں زیادہ ہوتے ہیں۔

تحقیق کے سربراہ ڈاکٹر اینڈریو میسن نے کہا کہ یہ نتائج مستقبل میں ایسے لائحہ عمل تیار کرنے میں مدد دے سکتے ہیں جو بلڈ شوگر کو قابو میں رکھنے کے ساتھ ساتھ خاص طور پر کھانے کے بعد کے بلڈ شوگر کو کنٹرول کرنے پر بھی زور دیں۔