پورشے نے انتہائی پُرتعیش الیکٹرک سپیڈ بوٹ متعارف کرا دی

جرمن موٹرنگ کمپنی پورشے نے مالدار افراد کے لیے اپنی نئی الیکٹرک سپیڈ بوٹ Frauscher x Porsche 790 Spectre متعارف کرا دی ہے۔ یہ کشتی پورشے کی Macan Turbo EV کے ڈیزائن اور سسٹمز پر تیار کی گئی ہے۔

پورشے کے مطابق یہ نئی واٹرکرافٹ ہلکی، پھرتیلی اور انتہائی مؤثر ہے۔ اس میں 100 کلو واٹ آور بیٹری اور 400 کلو واٹ PSM موٹر نصب ہے، جبکہ اس کی لمبائی تقریباً 26 فٹ ہے۔

Frauscher کے اشتراک سے تیار کی گئی یہ کشتی اندرونی اور بیرونی ڈیزائن میں Macan سے بھرپور مماثلت رکھتی ہے، اور پورشے کی لگژری اور کارکردگی کے معیار کو برقرار رکھتی ہے۔

پورشے کی یہ کشتی مالدار افراد کے لیے جدید ٹیکنالوجی اور ڈیزائن کا حسین امتزاج پیش کرتی ہے، جو پانی پر سپورٹس اور آرام دہ سفر دونوں ممکن بناتی ہے۔