لاہور ن لیگی ایم پی اے ثاقب چدھڑ کے خلاف 27 کروڑ روپے کے چیک ڈس آنر ہونے کے 3 مقدمات درج؛

لاہور: پاکستان مسلم لیگ (ن) کے صوبائی اسمبلی کے رکن (MPA) ثاقب چدھڑ (ثاقب خان) کی مشکلات میں اچانک بڑا اضافہ ہو گیا ہے۔ لاہور کے پوش علاقے میں کینسر کی ایک مریضہ کے ساتھ کروڑوں روپے کے مبینہ مالیاتی دھوکے اور چیک باؤنس ہونے پر مسلم لیگ (ن) کے ایم پی اے کے خلاف بیک وقت 3 سنگین مقدمات درج کر لیے گئے ہیں۔

تھانہ ڈیفنس اے میں درج ہونے والی ان ایف آئی آرز (FIRs) اور دھوکہ دہی کے اس ہائی پروفائل کیس کی تفصیلات تھانہ ڈیفنس اے میں یہ تینوں مقدمات ماہ رخ عارف نامی خاتون کی مدعیت میں درج کیے گئے ہیں۔ ایف آئی آر کے متن کے مطابق خاتون نے پولیس کو دیے گئے بیان میں موقف اختیار کیا ہے کہ وہ کینسر (Cancer) جیسے مہلک مرض میں مبتلا ہیں اور اپنے علاج و دیگر ضروریات کے لیے انہوں نے لاہور کی قیمتی جائیداد بیچنے کا فیصلہ کیا، جس کے لیے انہوں نے ثاقب خان سے رابطہ کیا۔ ڈیوس روڈ پر واقع اس قیمتی جائیداد کا سودا مسلم لیگ (ن) کے ایم پی اے ثاقب خان اور اکبر خان نامی دوسرے ملزم کے ساتھ مجموعی طور پر 60 کروڑ روپے میں طے پایا تھا۔

 “ایف آئی آر کے مطابق، جائیداد کی جزوی ادائیگی کے عوض ملزمان ثاقب خان اور اکبر خان نے خاتون کو نو نو کروڑ روپے مالیت کے 3 بینک چیک (مجموعی مالیت 27 کروڑ روپے) دیے تھے۔ تاہم، جب خاتون نے یہ چیک کیش کروانے کے لیے بینک میں جمع کروائے تو ملزمان کے اکاؤنٹ میں مطلوبہ رقم نہ ہونے کے باعث تینوں چیک ڈس آنر ہو گئے”۔

 خاتون کا الزام ہے کہ جب انہوں نے چیک باؤنس ہونے کے بعد ایم پی اے ثاقب چدھڑ اور ان کے ساتھی سے اپنے جائز پیسوں کا بار بار مطالبہ کیا، تو ملزمان نے رقم واپس کرنے اور جائیداد کے واجبات ادا کرنے سے صاف انکار کر دیا اور سنگین نتائج کی دھمکیاں دیں۔

لاہور پولیس نے کینسر کی مریضہ کی درخواست پر قانون کے مطابق کارروائی کرتے ہوئے پینل کوڈ کی متعلقہ دفعات (چیک ڈس آنر) کے تحت تھانہ ڈیفنس اے میں 3 الگ الگ ایف آئی آرز باقاعدہ رجسٹرڈ کر لی ہیں۔ پولیس حکام کا کہنا ہے کہ مقدمات کے اندراج کے بعد میرٹ پر تفتیش کا آغاز کر دیا گیا ہے اور قانون کے مطابق اگلا قانونی قدم اٹھایا جائے گا۔