پی ایم ڈی سی کا غیر مجاز کلینیکل پریکٹس غیر قانونی قرار
Web Desk
24 April 2026
اسلام آباد: پاکستان میڈیکل اینڈ ڈینٹل کونسل (PMDC) نے ملک بھر میں اتائیت کے بڑھتے ہوئے رجحان کو روکنے کے لیے ایک بڑا قدم اٹھاتے ہوئے غیر مجاز کلینیکل پریکٹس کو سختی سے غیر قانونی قرار دے دیا ہے۔ پی ایم ڈی سی نے اس حوالے سے وزارتِ صحت کو ایک باقاعدہ خط ارسال کیا ہے جس میں فارماسسٹس، سائیکالوجسٹس اور ڈینٹل ٹیکنیشنز کی جانب سے کی جانے والی کلینیکل پریکٹس پر پابندی عائد کرنے کی سفارش کی گئی ہے۔ کونسل نے واضح کیا ہے کہ امراض کی تشخیص اور علاج صرف اور صرف رجسٹرڈ ڈاکٹرز اور ڈینٹسٹس کا قانونی اختیار ہے۔ صرف وہی ایلوپیتھک علاج فراہم کرنے کے مجاز ہیں۔ پی ایم ڈی سی کے مطابق الائیڈ ہیلتھ پروفیشنلز (جیسے فارماسسٹ اور ٹیکنیشنز) مریضوں کو ادویات تجویز نہیں کر سکتے۔ انہیں ہدایت کی گئی ہے کہ وہ فوری طور پر ایسی تمام غیر مجاز سرگرمیاں بند کر دیں۔کونسل نے خبردار کیا ہے کہ غیر مستند افراد کے ہاتھوں علاج اور اتائیت کی وجہ سے ایچ آئی وی (HIV) اور ہیپاٹائٹس جیسے خطرناک امراض پھیلنے کا شدید خدشہ ہے، جو انسانی جانوں کے لیے ایک سنگین خطرہ ہے۔
پاکستان میڈیکل اینڈ ڈینٹل کونسل نے اس بات پر زور دیا ہے کہ عوام کی زندگیوں کے تحفظ کے لیے صرف مستند طبی ماہرین سے ہی رجوع کیا جائے اور غیر قانونی کلینک چلانے والے عناصر کے خلاف سخت کارروائی عمل میں لائی جائے۔
متعلقہ عنوانات
قازقستان میں تیزی سے پھیلنے والی پراسرار بیماری کی اطلاعات، سرکاری تفصیلات طلب
22 November 2026
دبئی میں جوڑوں کے امراض سے متعلق سالانہ طبی کانفرنس شروع، 200 سے زائد ماہرین شریک
22 November 2026
دبئی میں مستحق مریضوں کے مفت علاج کیلئے تداوی ہیلتھ کیئر گروپ اور دارالبر سوسائٹی میں معاہدہ
22 November 2026
لاہور کے جناح ہسپتال میں پہلی کامیاب اوپن ہارٹ سرجری
21 November 2026
پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز
20 November 2026
کینگرو کیئر قبل از وقت پیدا ہونے والے بچوں کی اموات کا خطرہ کم کر سکتا ہے: تحقیق
19 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026