پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز
Web Desk
20 November 2026
وزیراعلیٰ پنجاب مریم نواز شریف سے ارکانِ صوبائی اسمبلی پیر محمد اشرف رسول اور خرم خان ورک نے ملاقات کی ہے، جس میں صوبے کی مجموعی سیاسی صورتحال، جاری ترقیاتی منصوبوں اور عوامی فلاح و بہبود کے سماجی پروگراموں پر تفصیلی تبادلہ خیال کیا گیا۔
ملاقات کے دوران ارکانِ اسمبلی نے وزیراعلیٰ مریم نواز شریف کو ضلع شیخوپورہ کے عوامی مسائل، بنیادی ضروریات اور علاقے کو درپیش مشکلات سے تفصیلی طور پر آگاہ کیا۔ انہوں نے شیخوپورہ میں جاری بیوٹیفکیشن منصوبوں پر مقامی عوام کے پرجوش اور مثبت ردعمل سے بھی وزیراعلیٰ کو آگاہ کیا، جبکہ شہر میں سڑکوں کی تعمیر و مرمت کے منصوبوں کی تکمیل اور اجرا پر وزیراعلیٰ پنجاب کا شکریہ ادا کیا۔
اس موقع پر گفتگو کرتے ہوئے وزیراعلیٰ پنجاب مریم نواز شریف نے کہا کہ حکومت پنجاب کے ہر ضلع میں کیتھ لیب، چلڈرن اسپتال اور کینسر سینٹر قائم کرنا چاہتی ہے، کیونکہ عوام کو جدید اور بہترین طبی سہولیات ان کی دہلیز پر فراہم کرنا ہمارا بنیادی عزم ہے۔
وزیراعلیٰ مریم نواز شریف نے مزید کہا کہ بیوٹیفکیشن منصوبوں کی تکمیل سے صوبے کے شہروں کی شکل و صورت بدل گئی ہے، اور عوام کو بہتر شہری سہولیات کی فراہمی سمیت شہروں کو صاف ستھرا اور خوبصورت بنانا حکومت کی اولین ترجیحات میں شامل ہے۔ انہوں نے اس عزم کا اعادہ کیا کہ عوامی فلاح و بہبود، صحت کی سہولیات میں بہتری اور جامع ترقیاتی منصوبوں کے ذریعے پنجاب کے تمام اضلاع میں یکساں ترقی کے مواقع فراہم کیے جائیں گے۔
متعلقہ عنوانات
معاشی ترقی کی باگ ڈور نجی شعبے کو دینا ہوگی: مشیر نجکاری محمد علی
20 November 2026
کراچی: لانڈھی میں گھر کے اندر فائرنگ، خاتون سمیت 3 افراد جاں بحق
20 November 2026
پاکستان سٹاک مارکیٹ میں کاروبار کے آغاز پر مثبت رجحان
20 November 2026
اسلام آباد پولیس کی SWAT فورس کو 20 نئی گاڑیاں فراہم کر دی گئیں
20 November 2026
پاکستان اور مالدیپ کے درمیان بحری تجارت اور تعاون بڑھانے پر اتفاق
20 November 2026
خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل
20 November 2026
مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال
20 November 2026
خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل
20 November 2026