تعلیمی اداروں میں سائبر سکیورٹی مضبوط بنانے کا فیصلہ

وزیراعظم شہباز شریف کی خصوصی ہدایت پر ملک بھر کے تعلیمی اداروں میں سائبر سکیورٹی کے نظام کو جدید خطوط پر استوار کرنے کا فیصلہ کیا گیا ہے۔ وزارتِ تعلیم نے نجی تعلیمی اداروں کے لیے ڈیجیٹل سیفٹی ٹریننگ کو لازمی قرار دے دیا ہے، جس کے تحت پیرا (PEIRA) نے اسلام آباد کے تمام سکولوں کو فوری طور پر سائبر سکیورٹی کورسز شروع کرنے کا حکم دیا ہے۔ اساتذہ اور نان ٹیچنگ اسٹاف کے لیے یہ آن لائن کورس 8 مارچ تک مکمل کرنا ضروری ہوگا، جبکہ نویں جماعت سے اوپر کے طلبہ کو بھی ڈیجیٹل سیفٹی کورس میں رجسٹریشن کی ہدایت کی گئی ہے۔