اسکاٹ لینڈ اوپن جونیئر چیمپئن شپ کے پاکستانی فاتحین وطن واپس پہنچ گئے

اسکاٹ لینڈ اوپن جونیئر چیمپئن شپ میں پاکستان کے لیے ٹائٹلز جیتنے والے نوجوان کھلاڑی محمد سہیل عدنان اور محمد مصطفیٰ خان دوحہ کے راستے لاہور پہنچ گئے۔ دونوں کھلاڑیوں کے استقبال کے لیے لاہور ایئرپورٹ پر پنجاب اسکواش ایسوسی ایشن کے عہدیداران بھی موجود تھے۔

چیمپئن شپ میں محمد سہیل عدنان نے بوائز انڈر 15 جبکہ محمد مصطفیٰ خان نے بوائز انڈر 13 کا ٹائٹل اپنے نام کیا۔ بوائز انڈر 15 کے فائنل میں ٹاپ سیڈ سہیل عدنان نے سیڈ 2 چین کے یوان زی لیو کو شکست دی، جبکہ سیمی فائنل میں انہوں نے قطر کے سیڈ 3 کھلاڑی عمر فراغ کو مات دی تھی۔