پاکستان نے کویت کو شکست دے کر ہانگ کانگ سکسز کپ کا ٹائٹل جیت لیا

ہانگ کانگ: پاکستان نے شاندار کارکردگی کا مظاہرہ کرتے ہوئے ہانگ کانگ سکسز کپ کا ٹائٹل اپنے نام کر لیا۔ فائنل میں قومی ٹیم نے کویت کو واضح مارجن سے شکست دی۔

مقررہ چھ اوورز میں پاکستان نے تین وکٹوں کے نقصان پر 135 رنز بنائے۔ کپتان عباس آفریدی نے دھواں دار بیٹنگ کرتے ہوئے 52 رنز کی اننگز کھیلی، جبکہ عبدالصمد نے 42 اور خواجہ نافع نے 22 رنز کا اضافہ کیا۔

کویت کی ٹیم ہدف کے تعاقب میں جم کر مقابلہ نہ کر سکی اور آخری اوور کی پہلی گیند پر پوری ٹیم 92 رنز بنا کر آؤٹ ہوگئی۔

پاکستانی ٹیم کے بولرز نے بھی شاندار کارکردگی دکھائی اور مخالف بیٹرز کو کھل کر کھیلنے کا موقع نہیں دیا۔
اس جیت کے ساتھ پاکستان نے ہانگ کانگ سکسز کپ 2025 کا ٹائٹل اپنے نام کر کے ٹورنامنٹ کا اختتام یادگار بنا دیا۔