پاکستان اسٹاک ایکسچینج میں کاروبار کا مثبت اختتام، 100 انڈیکس 1,54,292 پوائنٹس پر بند

کراچی: پاکستان اسٹاک ایکسچینج میں کاروبار کا مثبت اختتام ہوا، جہاں 100 انڈیکس میں 4,276 پوائنٹس کی مضبوط بحالی دیکھی گئی۔

کاروبار کے اختتام پر 100 انڈیکس 1 لاکھ 54 ہزار 292 پوائنٹس پر بند ہوا، جو 2.85 فیصد نمو کی نمائندگی کرتا ہے۔ انڈیکس نے دن کے دوران بلند ترین سطح 154,685 پوائنٹس اور کم ترین سطح 150,284 پوائنٹس ریکارڈ کی۔گذشتہ روز 100 انڈیکس 150,016 پوائنٹس پر بند ہوا تھا، اس طرح آج کے مثبت رجحان سے سرمایہ کاروں کے اعتماد میں اضافہ ہوا ہے۔

تجزیہ کاروں کے مطابق مارکیٹ میں یہ بحالی مختلف شعبوں میں خریداری اور سرمایہ کاروں کی مثبت توقعات کی وجہ سے ممکن ہوئی ہے۔ آج 100 انڈیکس نے 1,51,000، 1,52,000، 1,53,000 اور 1,54,000 پوائنٹس کی اہم سطحیں بحال کیں، جو مارکیٹ کی مضبوط بنیادوں کا اشارہ ہیں۔پاکستان اسٹاک ایکسچینج میں کاروبار کے مثبت اختتام سے سرمایہ کاروں کے اعتماد میں اضافہ اور مستقبل میں مزید مضبوط نمو کی توقع پیدا ہوئی ہے۔