پاکستان سٹاک ایکسچینج میں ٹریڈنگ کا مثبت زون میں آغاز

کراچی: پاکستان سٹاک مارکیٹ میں کاروباری ہفتے کے چوتھے روز زبردست مثبت رجحان دیکھنے میں آیا ہے، جس کے نتیجے میں کے ایس ای 100 انڈیکس ایک بار پھر ایک لاکھ 78 ہزار پوائنٹس کی اہم حد عبور کر گیا۔

کاروبار کے آغاز سے ہی سٹاک ایکسچینج میں خریداروں کی جانب سے زبردست دلچسپی دیکھی گئی، جس کے باعث انڈیکس میں 1400 سے زائد پوائنٹس کا یکمشت بڑا اضافہ ریکارڈ کیا گیا۔ اس تیزی کے بعد 100 انڈیکس بڑھ کر 1 لاکھ 78 ہزار 291 پوائنٹس کی سطح پر پہنچ گیا۔

مارکیٹ میں سرمائے کے اس مثبت تدفق کو سرمایہ کاروں کے بڑھتے ہوئے اعتماد سے تعبیر کیا جا رہا ہے۔ واضح رہے کہ گزشتہ کاروباری دن کے اختتام پر سٹاک مارکیٹ کا 100 انڈیکس 1 لاکھ 76 ہزار 846 پوائنٹس کی سطح پر بند ہوا تھا۔