پاکستان اور سعودی عرب نے توانائی اور معدنیات میں تعاون بڑھانے پر اتفاق

وفاقی وزیر پیٹرولیم علی پرویز ملک نے پاکستان میں سعودی عرب کے سفیر نواف بن سعید المالکی سے ملاقات کی۔ ملاقات میں دونوں ممالک نے توانائی اور معدنیات کے شعبے میں تعاون کو مزید فروغ دینے پر اتفاق کیا۔

علی پرویز ملک نے کہا کہ ریاض میں ہونے والا فیوچر منرلز فورم پاکستان اور سعودی عرب کے توانائی تعاون کے لیے اہم پلیٹ فارم فراہم کرتا ہے۔ سعودی سفیر نے پاکستان کی فیوچر منرلز فورم میں فعال شرکت کو سراہا اور کہا کہ معدنیات کے شعبے میں تعاون بڑھانے کے لیے دونوں ممالک کے درمیان مسلسل روابط اہم ہیں۔

وفاقی وزیر نے فیوچر منرلز فورم کے کامیاب انعقاد پر سعودی عرب کو مبارکباد پیش کی اور کہا کہ پاکستان اور سعودی عرب کے برادرانہ تعلقات سرمایہ کاری، ٹیکنالوجی کے تبادلے اور مشترکہ منصوبوں کی صورت میں عملی نتائج میں تبدیل ہوں گے۔