LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
بجٹ تاخیر اور معاشی بحران، حکومت پر دباؤ بڑھ گیا: اسد قیصر امریکی صدر ٹرمپ کی عالمی منڈی میں تیل کی قیمتوں میں بڑی کمی کی پیشگوئی گلگت بلتستان میں انتخابی مہم کا وقت ختم، ووٹنگ 7 جون کو ہوگی امن و سلامتی کو نقصان پہچانے کا الزام، جموں کشمیر جوائنٹ عوامی ایکشن کمیٹی کالعدم قرار حکومت کا عوام کو جزوی ریلیف، پیٹرول کی قیمت میں کمی، ڈیزل برقرار نیویارک میں سینٹر 360 کا آغاز، شہریوں کے لیے شہر کے دلکش مناظر مفت دستیاب اسلام آباد کیلئے علیحدہ اسمبلی کے قیام کی سفارش، براہ راست انتخابات اور نیا انتظامی نظام تجویز پاکستان ٹرمپ انتظامیہ کا اہم شراکت دار، علاقائی عدم استحکام چیلنج ہے: امریکی میڈیا پُرامن دنیا کی جانب بڑھنے کے لیے سرحدوں کی حفاظت ضروری ہے: محسن نقوی وزیر اعظم نے کمرشل کورٹس کے قیام کیلئے 8 رکنی کمیٹی تشکیل دیدی فرینکفرٹ ایئرپورٹ پر بڑا حادثہ؛ مسافروں کی بورڈنگ کے دوران برانڈ نیو بوئنگ طیارے کا نوز گیئر گر گیا وزیر داخلہ محسن نقوی کی ایرانی ہم منصب سکندر مومنی سے اہم ملاقات پاکستانی معیشت کے لیے بڑی کامیابی؛ مئی 2026 میں تجارتی خسارے میں 39 فیصد کی نمایاں کمی، سکیورٹی فورسز کا بلوچستان کے ضلع پنجگور میں آپریشن،6 خارجی ہلاک آئندہ مالی سال کا بجٹ 290 روپے فی ڈالر ریٹ پر بنے گا، وزارت خزانہ

پاکستان نے 2023 کے بعد پہلی بار ایل این جی کارگو کیلئے تین ٹینڈر جاری کر دیے

Web Desk

23 April 2026

پاکستان ایل این جی لمیٹڈ (PLL) نے دسمبر 2023 کے بعد پہلی بار مائع قدرتی گیس (LNG) کے کارگو کے لیے ہنگامی ٹینڈر جاری کر دیا ہے، جس کا مقصد مشرقِ وسطیٰ میں جاری جنگ اور سپلائی میں تعطل کے باعث پیدا ہونے والے توانائی کے بحران پر قابو پانا ہے۔ برطانوی خبر رساں ادارے کے مطابق کمپنی نے بین الاقوامی سپلائرز سے تین ایل این جی کارگو کے لیے بولیاں طلب کی ہیں، جن کی ترسیل 27 اپریل سے 14 مئی کے درمیان کراچی کی بن قاسم بندرگاہ پر متوقع ہے۔

وفاقی وزیر توانائی اویس لغاری کا کہنا ہے کہ اس ٹینڈر کا مقصد بجلی کی بڑھتی ہوئی طلب کو پورا کرنا اور مہنگے ڈیزل و فرنس آئل پر انحصار کم کرنا ہے۔ پاکستان کو 28 فروری کو مشرقِ وسطیٰ میں جنگ شروع ہونے کے بعد سے کوئی کارگو موصول نہیں ہوا، کیونکہ ایران نے آبنائے ہرمز سے گزرنے والی شپنگ تقریباً بند کر دی ہے، جس پر قطر کی برآمدات کا بڑا انحصار ہے۔ اس صورتحال میں آذربائیجان کی سرکاری کمپنی ’سوکار‘ نے اسلام آباد کی درخواست پر فوری ایل این جی فراہم کرنے کی آمادگی ظاہر کی ہے۔

حالیہ بحران نے ملک میں بجلی کی لوڈشیڈنگ میں اضافہ کر دیا ہے، جبکہ ہائیڈرو پاور میں کمی نے صورتحال کو مزید پیچیدہ بنا دیا ہے۔ واضح رہے کہ پاکستان نے گزشتہ برسوں میں طلب میں کمی کی توقع پر کئی طویل المدتی معاہدے منسوخ کیے تھے، تاہم موجودہ جغرافیائی و سیاسی حالات نے ملک کو دوبارہ سپلائی کے شدید جھٹکوں سے دوچار کر دیا ہے۔ ماہرین کے مطابق آبنائے ہرمز کی ناکہ بندی سے ایشیائی سپاٹ مارکیٹ میں ایل این جی کی قیمتیں تین سال کی بلند ترین سطح پر پہنچ چکی ہیں۔