یومِ پاکستان کی مناسبت سے خصوصی نغمہ کا ٹیزر جاری

یومِ پاکستان کے موقع پر خصوصی نغمہ “میری مٹی میری جان، پاکستان زندہ باد” کا ٹیزر جاری کر دیا گیا ہے۔

نغمہ میں وطن کی مٹی سے محبت اور وطن کے لیے مرمٹنے کے جذبے کو بھرپور انداز میں پیش کیا گیا ہے۔ اس کے بول وطن سے عقیدت اور محبت کی گہرائی ظاہر کرتے ہیں اور یہ نغمہ یومِ پاکستان کو صرف خوشی کا نہیں بلکہ فخر اور وابستگی کا جشن بھی بنا دیتا ہے۔یہ نغمہ غیور قوم کے لیے ہے جو ہر محاذ پر مضبوطی کے ساتھ کھڑی ہے۔ “میری مٹی میری جان” نوجوانوں کے دل میں حب الوطنی کی شمع روشن کرنے والا پیغام بھی پیش کرتا ہے اور جلد ریلیز ہوگا۔