پاکستان کی آسٹریلیا کو شکست،7 سال بعد ٹی ٹوئنٹی سیریز میں کلین سوئپ

پاکستان نےتین ٹوئنٹی میچز کی سیریزکے تیسرے اورآخری میچ میں بھی آسٹریلیا کو 111رنزسے شکست دے دی۔ قومی ٹیم نے 7 سال بعد ٹی ٹوئنٹی سیریز میں کلین سوئپ کیاہے۔

لاہور کے قذافی اسٹیڈیم میں کھیلے گئے  تیسرے ٹی ٹوئنٹی میں پاکستان نے آسٹریلیا کے خلاف ٹاس جیت کر بیٹنگ کا فیصلہ کیا اور آسٹریلیا کو جیت کے لیے 208 رنز کا ہدف دیا تھا جس کے جواب میں مہمان ٹیم  9 وکٹ  پر 96 رنز  بناسکی، آسٹریلوی لیگ اسپنر ایڈم زمپا انجرڈ ہونے کے سبب بیٹنگ کے لیے نہیں آئے۔

پاکستان نے پہلے کھیلتے ہوئے 20 اوورز میں 6 وکٹ کے نقصان پر 207 رنز بنائے جو کہ آسٹریلیا کے خلاف ٹی ٹوئنٹی میں پاکستان کا سب سے بڑا اسکور ہے۔پاکستان کی جانب سے  فخر زمان نے 10، صائم ایوب نے 50، کپتان سلمان علی آغا نے 5، اور خواجہ نافع نے 21 رنز اسکور کیے۔ ان کے علاوہ  بابر اعظم  نے 50 اور  شاداب خان نے 46 رنز بنائے۔آسٹریلیا کی جانب سے بین وارشوس نے 2 کھلاڑیوں کو  آؤٹ کیا۔