مکہ دفاعی معاہدے نے خطے میں اتحاد اور امن کا پیغام دیا: وزیراعظم

پاکستان اور سعودی عرب نے دفاعی تعاون کے بعد اقتصادی اور زرعی شراکت داری کو نئی بلندیوں پر لے جانے پر اتفاق کیا ہے۔ یہ فیصلہ وزیراعظم شہباز شریف اور سعودی وزیر ماحولیات، پانی و زراعت انجینئر عبدالرحمن بن عبدالمحسن الفضلی کے درمیان اسلام آباد میں ہونے والی ملاقات میں کیا گیا۔ وزیراعظم شہباز شریف نے مکہ مشترکہ دفاعی معاہدے کا ذکر کرتے ہوئے زور دیا کہ دونوں سٹریٹجک ممالک اب زرعی مصنوعات کی برآمد، جدید ٹیکنالوجی، تحقیق اور پانی کے وسائل کے مؤثر استعمال پر خصوصی توجہ دیں۔ انہوں نے اعلان کیا کہ پاکستانی زرعی ماہرین کا ایک وفد جلد سعودی عرب کا دورہ کرے گا تاکہ باہمی تعاون کو عملی شکل دی جا سکے۔ سعودی وزیر نے بھی زراعت اور غذائی تحفظ کے شعبوں میں پاکستان کے ساتھ شراکت داری مزید بڑھانے کے عزم کا اعادہ کیا۔